عشق دا عین عبادت ورگا
عشق دا عین عابد کردا
ماس نئیں چھڈرا
عشق دا قاف قلم کرے سر
عشق دے شین دیاں شاناں اچیاں
عشق علی
عشق ولی
عشق سخی اے حیدر ورگا
عشق عباس دے وانگ جے ھووے
عشق وفا دی لاج وی رکھدا
عشق زلیخا
عشق یوسف دی پاکی ورگا
عشق صحرا دی تپتی ریت
عشق اے ٹھنڈے پانی ورگا
عشق سمندروں ڈونگا یارو
جہڑا اودے اندر ڈبدا
نئیں او تردا
بنے لگدا
فیر کسے ول او نئیں تکدا
عشق دا دیوا جس من بلدا
او تن جلدا
او ہی جتدا
او ہی ہردا
عشق حقیقی اچا کردا
عشق مجازی خاک اے کردا
عشق جنون اے سب توں وکھرا
درد وی اودا چنگا لگدا
عشق فنا توں جہڑا ڈردا
عشق اودے توں نسدا پجھدا
عشق اودے نئیں نیڑے لگدا
عشق اودے نئیں نیڑے لگدا
خالددانش
Visited 15 times, 1 visit(s) today
Last modified: February 13, 2024
